ఈ ప్రపంచంలో 
శ్రీరామచంద్రుడే
అందరికీ ప్రియమైన
అందాలరాముడని...
ఆదర్శమానవుడని...
జానకి వల్లభుడని...
జగదభిరాముడని...
ఆకర్షణశక్తిలో సముద్రుడని... 
స్థిరత్వంలో చల్లని హిమపర్వతమని...
దాతృత్వంలో నింగిలో నీలిమేఘమని...
విలువిద్యలో ఆరితేరిన
యుద్ధవీరుడంటూ ఆరాధించే రామభక్తులు... ధన్యులే..!

నిత్యం రామమందిరాల
మైకుల్లో మారుమ్రోగె
శ్రీరామచరిత గానామృతాన్ని
ప్రపంచమంతా ప్రతిధ్వనించేలా
గానకోకిలలై ఆలపించే 
ఓ గాయనీ గాయకులు
ధన్తఅదృష్టవంతులే..!

ఎవరో నాటిన ఒక విత్తనం
మొక్కై మ్రానై వేల ఎకరాల్లో
విశ్వమంతా విస్తరించినరీతిగా
ఎన్నో ఏళ్ళ క్రితం వాల్మీకి మహర్షి
రచించిన ఈ రామాయణగాధను
రామనామాన్ని వందలాది భాషల్లో
విశ్వమంతా విస్తరించేలా
కోట్లాది రామాయణ కల్పవృక్షాలను
లిఖించిన ఓ ప్రాచీన
ఆధునిక కవిసార్వభౌములు..!
ధన్యజీవులే...పుణ్యమూర్తులే..!