ఓ రైతన్నా !

పొలంలో పంట పండలేదని

నష్టమొచ్చి అప్పులపాలయ్యానని

హలమును పక్కన పెట్టక

బలరాముడివై హలాయుధుడువై 

నిలబడరా ఓ రైతన్నా! 

హలం నీది పొలము నీది, పండించే పంట నీది

నీవు వీరహనుమంతుడివిరా రైతన్నా!

ఎండనకా, వాననకా, రేయనకా, పగలనకా

రక్తాన్ని చెమటగా మార్చే ఓ రైతన్నా!

నీవు పండించిన పంటకు గిట్టుబాటు ధర ఎక్కడ?

అంధులైన అధికారులకు

నీ హక్కులను కాలరాసే హక్కు ఎక్కడిది ?

పట్టించూకోని ప్రభుత్వాన్ని ప్రశ్నించు ప్రతిఘటించు

నీకే ఆగ్రహమొస్తే ఈ ప్రపంచం దద్దరిల్లిపోదా

నీవే తిరగబడితే ఈ నేతల తలరాతలే మారిపోవా

ఓ రైతన్నా !

వద్దు ఆత్మహత్యలకు పాల్పడవద్దు

చచ్చి సాధించేది ఏమిలేదు

నీ కుటుంబం కుమిలిపోవడం కూలిపోవడం తప్ప

నీ చేతిలోని హలమే నీకుబలం

ఓ రైతన్నా! 

నీ హలానికున్న శక్తి మరి దేనికున్నది ఈఅవనిపైన

నీ చేతిలో హలం పొలం దున్నడానికే కాదు

నిన్ను అడుగడుగునా మోసం చేసే

దగుల్బాజీ దళారీల గుండెల్లో గునపంలా గుచ్చడానికి

ఓ రైతన్నా !

నీ పోరాటం న్యాయమైది ఏనాటికైనా గెలుపు నీదే

నీవు బలహీనుడవు కాదు నీవు బాహుబలివి