రక్తాన్ని 

స్వేదంగా మార్చి 

రెక్కలను 

ముక్కలుచేసుకుని 

దుక్కిదున్ని 

బంజరునేలలో 

బంగారు పంటలను 

పండించి 

అందరి ఆకలితీర్చే 

అన్నదాతలే గదా 

ధరణిలో నడిచే దైవాలు 

కానీ,ఆ అన్నదాతలే...కదా

చేసిన అప్పులు తీర్చలేక

తాకట్టుపెట్టిన 

పుస్తెలు తేలేక

పురుగుమందులు 

పుచ్చుకునేది

ఆ అన్నదాతలే...కదా

ఆకలికి అలమటించేది

అస్థిపంజరాలైపోయేది

ఆ అన్నదాతలే...కదా

ఆత్మగౌరవం

అహం దెబ్బతిని నేడు 

ఆత్మహత్యలకు పాల్పడేది

ఆ అన్నదాతలే...కదా

నిన్న నాగలిని మట్టిని నమ్ముకన్నది

నేడు పైరుపాటమాని పోరుబాట పట్టింది

కర్షకుల కడుపులు మాడ్చే కార్పొరేట్ల కొమ్ముకాసే

రాక్షస చట్టాల రద్ధుకోసం రాత్రింబవళ్ళు రైతులు

చేసే ఉద్యమానికి మద్దతినిద్దాం మానవతనుచాటుదాం...