నిన్న 

కోవిడ్ కొట్టిన 

కొరడా దెబ్బల 

గాయాలలింకా 

మానిపోకముందే 

వ్యవసాయ 

వ్యతిరేకత చట్టాలతో

పాలకులు

కార్పోరేటర్ల కొమ్ముకాస్తు

రైతన్నల నోట్లో 

మట్టి కొడుతుంటే

బ్రతుకు బలైపోయే

బడుగురైతు బలిపీఠమెక్కె

అందరి ఆకలినితీర్చే

అన్నదాతకే అగ్నిపరీక్షలాయే

నేడు

రైతుసంఘాలతో 

సంప్రదింపులు లేవాయే 

అడ్డదారుల్లో 

బిల్లులు ఆమోదమాయే

ఒప్పంద వ్వవసాయ

వివాదాల పరిష్కారానికి

విధివిధానాలే లేవాయే 

మద్దతుధర 

మాటే మరిచిపోయే 

అన్నదాత భవిత

అందకారమాయే

మెతుకు కరువైపోయే 

బ్రతుకు బుగ్గిపాలాయే

బురదనుండి బువ్వ తీసే

బడుగురైతు బలిపీఠమెక్కె

ఓరా ఆకలితీర్చేఅన్నదాతలపట్ల

ఏమి ఈ కర్కశం ఏమి ఈ నిర్దయ

ఏమి ఈ నిర్లక్ష్యం, ఏమి ఈనిరంకుశత్వం

శాంతియుత ఉద్యమాలే రేపు ఉగ్రరూపం దాల్చి

ఉప్పెనలైతే.....సూనామీలైతే......బాధ్యులెవరు?

పాషాణ హృదయులైన పాలకులు కాదా?