ప్రశాంతంగా 

బ్రతికే ప్రజల నెత్తిన 

ఉరుములా ఉరిమి

మెరుపులా మెరిసి

అకస్మాత్తుగా

ఒక పిడుగల్లే

విరుచుకుపడిన

ఈ ఘోర విపత్తుకు 

విశ్వమే విస్తుపోతోంది

విలవిలలాడి పోతోంది

ప్రజలకు కంటిమీద 

కునుకే లేకుండా చేసింది

ఎంతకాలం ? ఎంతకాలం ?

ఇంకెంత కాలం ?

ఈ కరోనా విషజ్వరం

ఈ కరోనా మృత్యుభయం

ఈ కరోనా కల్లోలం

ఈ కరోనా కన్నీటి వరద

ఈ కరోనా కారు చిచ్చు

ఈ కరోనా కరాళ నృత్యం 

ఈ కరోనా విధ్వంసం

ఈ కరోనా విజృంభణ

ఈ కరోనా విలయ తాండవం

ఎంతకాలం ? ఇంకెంత కాలం?

ఎంతో కాలం లేదు కొంత కాలమే

అలక్ష్యము చేయనంతకాలం

అప్రమత్తంగా వున్నంత కాలం

సెల్ఫ్ ఐషోలేషన్ లో వున్నంతకాలం

శుభ్రంగా చేతులు కడుక్కున్నంతకాలం

ముందు జాగ్రత్తలు తీసుకున్నంతకాలం

మాస్కులు ముఖాలకు ధరించినంతకాలం

మందికి ఆరడుగుల దూరం ఉన్నంతకాలం