ముందుచూపు లేనివారు....
చుట్టేమి
జరుగుతుందో
పట్టించుకోనివారికి
ముందుచూపు లేనివారికి
మంచిమాట చెబితే విననివారికి
మూఢుల మాటల్ని శ్రద్ధగా వినేవారికీ
ముందన్నీ కష్టాలే...నష్టాలే...కన్నీళ్ళే
చింతలే...చిక్కులే...చీకాకులే...
కారణం చుట్టూవున్న
వారంతా మేక వన్యపులులని...
బాగా నమ్మించి
నవ్వుతూ నట్టేటముంచే
నయవంచకులని.. నమ్మకద్రోహులని...
కడుపులో
కత్తులుంచుకొని కౌగలించుకొనే
కసాయివాళ్ళని... తేనెపూసినకత్తులని...
ఘోరంగా నష్టపోయేంతవరకు...
దారుణంగా మోసపోయేంతవరకు...
చిట్టచివరి నిముషం వరకు..
తెలుసుకోకపోతే ఎలా?
అజ్ఞానంలో అంధకారంలో మునిగివుంటే ఎలా?
అందుకే, మిత్రులారా!
ఇకనైనా నిండు నిజం తెలుసుకోండి !
గాఢనిద్ర నుండి మేల్కొనండి !
దగాకోరులమీద నిఘా పెట్టండి !
లేదంటే చెల్లించుకోక తప్పదే
కలలో సైతం ఊహించలేని
భరించలేని భారీ మూల్యం....
 |