ఏ అందమైన జంటైతే

అందరికీ కనులపంటో

ఏ అన్యోన్యత జంటైతే

యువజంటలకు ఆదర్శమో

అట్టి చక్కని ఆ జంట

నిండు నూరేళ్ళు వర్థిల్లాలని

గుండెగుడిలో మ్రోగిస్తూ జేగంట 

కోరుకుంటారు అభిమానులంతా

సోఫాలో కూర్చున్నా

ప్రక్క ప్రక్కనే నిలుచున్నా

భుజాలమీద చేతులువేసుకుని

చిరునవ్వులు చిందించే ఆ జంట 

అందించే సుఖజీవన సూత్రమొక్కటే

కలిసి మెలిసి ఉంటేనే కలదు సుఖమని

వేరు వేరుగా వుంటే వెతలకు గురౌతారని

అభిరుచులు వేరైనా ఇద్దరొక్కటై వుండాలని

ఆకారాలు వేరైనా ఆత్మ ఒక్కటిగా వుండాలని

భిన్నత్వంలో ఏకత్వమే భగవంతుని వరమని