ఎందుకు ?

చిన్నచిన్న విషయాలకే 

చిందులువేస్తారు ?

ఎందుకు ?

చిన్నదానికే పగ,ప్రతీకారం

పెంచుకుంటారు ?

ఎందుకు ?

కసిని కల్మషాన్ని కడుపులో 

వుంచుకుంటారు ?

ఎందుకు ?

నూరేళ్ళ మూడుముళ్ల బందాన్ని 

ముందే తెంచుకుంటారు ?

ఎందుకు ?

పచ్చని కాపురంలో మీకు

మీరే చిచ్చుపెట్టుకుంటారు ?

ఎందుకు ?

సంతోషంగా సాఫీగా సాగిపోయే 

జీవితనావని నడిసంద్రంలో 

ఇద్దరు ఏకమై

మూర్ఖంగా ముంచేసుకుంటారు ? 

కారణం ఒక్కటే !

నాడు పగలురాత్రి పంచుకున్న 

ఆ స్వచ్చమైన ప్రేమల్ని,ఆ ఊసుల్ని

వాటి విలువల్ని ఆ తీపిజ్ఞాపకాలను 

గుర్తుంచుకోక పోవడం వల్లనే !

గ్రుడ్డివారై పోవడంవల్లనే !

ఒక్కసారైనా, ప్రక్కవారిని చూసైనా 

గుణపాఠాలు నేర్చుకోక పోవడంవల్లనే !