నిన్న నీ ప్రేమ 

పువ్వులా విరబూసిందని

విరజాజిలా వికసించిందని

మురిసిపోయావు

ముద్దులవర్షంలో తడిసిపోయావు

నిన్న ప్రతి నిమిషం వాడి తలంపే

వాడికోసం ఎదురు చూపులే

కళ్ళు మూసినా తెరిచినా వాడి రూపమే

వాడి పిలుపు కోసమే తపించావు

గుట్టు చప్పుడు కాకుండా గుమ్మం దాటేశావు

నిన్న ఒక్కటి ఇమ్మంటే వంద ఇచ్చావు - ముద్దులు

ఒక్కసారి రమ్మంటే వంద సార్లు వెళ్ళావు - పార్కుకి

ప్రేమపిచ్చి పట్టి కుక్కలా వాడివెంట పడ్డావు

పదిసార్లు రమ్మంటే ఒక్కసారే వెళ్ళావు - లాడ్జీకి

అంతే ఇచ్చిందంతా నచ్చిందంతా పుచ్చుకున్నాడు

నేడు వాడు 

సెల్ కట్ చేస్తున్నాడంటే

ముద్దు వద్దంటున్నాడంటే

మూడుముళ్లకు నో అంటున్నాడంటే

మునిలా మౌనంగా వున్నాడంటే

ముళ్ళులా గుచ్చుకుంటున్నాడంటే

మూడ్ మారివుంటుందేమో

నీ ప్రేమకు పుల్ స్టాప్ పెట్టేశాడేమో

మరిప్పుడేం చెయ్యాలి ?

తప్పటడుగులు పడిపోయాయి

తప్పు జరిగిపోయింది 

ఆత్మహత్య చేసుకోవాలని వెళ్ళావు 

భయపడి ఒక పసికందును హత్య చేశావు

నిలదీసి అడిగే ధైర్యం నీకు లేదు 

కారణం "వన్ సైడ్ లవ్"

నిన్న కన్నవారిని మోసం చేశావు 

నేడు ఘోరంగా నీవే మోసపోయావు

ఇలా అమ్మానాన్నలను లెక్కచేయకుండా

కామంతో కళ్లు పొరలుకమ్మి కాలుబయట పెట్టిన

ఆడపిల్లల జీవితాలన్నీ అగ్నిగుండాలే

సుఖము శాంతిలేని సుడిగుండాలే