ఆనాడు అందరిలో
పెళ్ళిపందిరిలో చేసిన
ఆ పెళ్లినాటి ప్రమాణాలకు
ఖచ్చితంగా మీరు కట్టుబడివుంటే
మీ భార్య ఎంత పెద్దతప్పుచేసినా
మీరు వెంటనే క్షమిస్తారు
"డోంట్ వరీ డార్లింగ్"అంటారు
"కమాన్ మైడియర్ డార్లింగ్ కమాన్"
అంటూ "గట్టిగా" కౌగలించుకొంటారు

ఒకవేళ మీరేదైనా చిన్నతప్పుచేసినా
వెనువెంటనే మీ భార్యచేతులు పట్టుకొని
"సారీ డార్లింగ్ ఐయాం వేరీసారీ "అంటారు
ముందుకు వంగి ముద్దు పెట్టుకుంటారు,

మూతిముడుచుకుంటే
"ఎందుకో మాపైఅంత కోపమంటారు
ముసిముసి నవ్వులు నవ్వుకుంటారు
ఇద్దరు మురిసిపోతారు అన్ని మరచిపోతారు
మైమరచిపోతారు మరోలోకంలో విహరిస్తారు

సమస్యలెన్ని చుట్టుముట్టినా
కట్టకట్టుకొని వరదలా వచ్చినా
పరిష్కరించుకోవడానికిద్దరు
శతవిధాల ప్రయత్నాలు చేస్తారు

అసలు"విడాకులన్న"పదాన్ని
వినడానికే ఎవరూ ఇష్టపడరు, కానీ
ఇందుకు "భిన్నంగా" బ్రతుకు మారితే

"విధి విందుకు" హాజరై
"విడాకులు" తీసుకుంటారు
భయపడుతూ, భయపెడుతూ
బాధపడుతూ, బాధపెడుతూ
కృంగిపోతూ,కుమిలిపోతూవుంటారు

ఇలా జీవశ్చవంలా ఒంటరిగా బ్రతికేకన్న
ప్రతిక్షణం ప్రత్యక్ష నరకాన్ననుభవించేకన్న
ఇంత"విషంపుచ్చుకోవడం"మిన్ననుకుంటారు

కానీ ముఖాముఖి చర్చలకు
ఒక్కరు ముందుకొచ్చినా చాలు
ఇంతకాలం ఇంట రేగిన ఆ ఆరని
అపార్థపుమంటలు చల్లారిపోతాయి
ఆ కలహాలన్నీ ఆ కలతలన్నీ అలకలన్నీ
మంచులా కరిగి కరిగి మాయమైపోతాయి

ఔను ఆ కారుచిచ్చు చల్లారినవేళ
ఆ ఇద్దరు బిగికౌగిళిలో బందీలైనవేళ
ఆ ఇళ్ళే ఒక స్వర్గసీమ..
ఆ జంటే ఒక కనులపంట, ఆ కాపురమే
పరమాత్మ మెచ్చిన ఒక "పచ్చని కాపురం"