కక్షలు కార్పణ్యాలు
పగలు ప్రతీకారాలు
కుట్రలు కుతంత్రాలు
అసూయా ద్వేషాలు
అహంకారం
అధికార దాహం వద్దేవద్దు

అనుమానాలు
అవమానాలు అపార్థాలు
శాపనార్థాలు
ఆరని కోపతాపాలు వద్దేవద్దు

ఎదిగే వారిని ఆటంకపరచడాలు
పైకి ప్రాకేవారిని వెనక్కిలాగడాలు
వెన్నుపోటు పొడవడాలు వద్దేవద్దు

విమర్శించడాలు విషం చిమ్మడాలు
నిరాశ పరచడాలు రాళ్లు విసరడాలు
కళ్ళల్లో ముళ్ళు గుచ్చడాలు వద్దేవద్దు

మచ్చలేని వ్యక్తిత్వమే ముద్దుముద్దు
దాతృత్వం దైవత్వమే ముద్దుముద్దు
సహనం సమానత్వమే ముద్దుముద్దు
మంచితనం మానవత్వమే ముద్దుముద్దు