ప్రియా ! ఓ నా ప్రియా...
అందరిలో పెళ్లిపందిరిలో
మూడుముళ్ళు వేసి
ఏడడుగులు నడిచి,
పంచభూతాలసాక్షిగా నేడు
నీకు ప్రమాణం చేస్తున్నాను...

ప్రియా ! ఓ నా ప్రియా ! నేను
నీ చేతికి గాజునౌతానని
నీ కాలికి మెట్టెనౌతానని
నీ బుగ్గన చుక్కనౌతానని
నీ మెడలో హారమౌతానని
నీ నుదుట బొట్టునౌతానని
నీ కంటికి కాటుక నౌతానని
నీ ఇంటికి వెలుగునౌతానని
నీ కడుపులో బిడ్డనౌతానని
నీ సిగలో సిరిమల్లె నౌతానని
నేడు నీకు ప్రమాణం చేస్తున్నాను...

ప్రియా ! ఓ నా ప్రియా ! నేను
నీ కష్టాలలో నీ కన్నీళ్ళలో
నీ సుఖంలో నీ దుఃఖంలో
నీకు కొండంత అండగా ఉంటానని
కంటికిరెప్పలా నిన్ను
కాపాడుకుంటాని
నిన్ను విడువనని
కాటికైనా నీ వెంటే నడుస్తానని
చితిలో సైతం నీ వెంటే వుంటానని
కాలిబూడిదయ్యేందుకైనా
సదా నేను సిద్దమని
నా గుప్పెడుగుండె గుడికట్టి
నిన్ను ఓదేవతగా నిత్యం కొలుస్తానని
నేడు నీకు ప్రమాణం చేస్తున్నాను......

నేడే ఆ భగవంతుడికి
ఓ విజ్ఞాపన" చేసుకొంటున్నాను
మనిద్దరిని జన్మజన్మలకు 
"విడిపోని జంటగా"ముడివేయమని
భార్యగా నిన్నే బహుమతిగా" ఇమ్మని