విలువ ఎరిగినవారే విజ్ఞులు
గుడ్డివారికేం తెలుసు ?
...గులాబీల విలువ !
గాడిదలకేం తెలుసు ?
...గంధం చెక్కల విలువ !
గాఢాంధకారంలో తిరిగే
గబ్బిలాలకేం తెలుసు ?
...వెలుతురు విలువ !
అనాధలకేం తెలుసు ?
... అమ్మానాన్నల విలువ !
మందబుద్దులకేం తెలుసు ?
...మహాభారతం విలువ
పరమనాస్తికులకేం తెలుసు ?
...పరమాత్మ మహిమ !
ఆటలో ఓడినోళ్ళకేం తెలుసు !
... విజయం విలువ !
ఇంటిబాధ్యత లేనోళ్ళకేం తెలుసు ?
...ఇన్సూరెన్స్ విలువ !
విడాకులు పుచ్ఛుకున్నోళ్ళకే తెలుసు !
...వివాహబంధమెంత విలువైనదో !
గుండుసూదులు గుచ్చుకున్నోళ్ళకే తెలుసు !
...గుండెల్లో భరించలేని ఆ బాధెంతో !
కరోనా కోరల్లో చిక్కుకున్న వారికే తెలుసు !
...ప్రాణమెంత ఖరీదైనదో !
ప్రాణత్యాగం చేసిన భగ్నప్రేమికులకే తెలుసు !
...ఆ ప్రేమ ఎంత మధురమైనదో !
 |