ఔను ఇది నిజం
నీ ఇంట్లో గల్లా పెట్టెలో
నీ లాకర్లలో లక్షలున్ననేమి?
నీ బ్యాంకు ఖాతాల్లో
కోట్లు కోట్లు వున్ననేమి?

నీ డబ్బు డబ్బుగానే ఉంటే
నీ జబ్బు జబ్బుగానే ఉంటుంది
నీవు నీవుగానే వుంటావు,కాని

నీ ధనమే "సేవాగుణమైతే"...
నీవు  మహనీయుడివే
మహాత్మాడివే...
నీ ధనమే "దానగుణమైతే"...
నీవు దాతవే ధన్యజీవే...

నీ డబ్బే "అల్లుడికి కట్నమైతే"...
ఆపై ఇళ్ళంతా "కళ్యాణశోభే"...
అంబరాన్నంటే "పెళ్లి సంబరాలే"

నీ డబ్బే "ఎలక్షన్లో ప్రచారమైతే"...
ఆపై తేలేది గెలుపు ఓటమిలే ...
ఓడితే అది నీకు ఒక "గుణపాఠమే"...
గెలిస్తే దక్కును నీకు "అధికారపీఠమే"...

మాయరోగం వచ్చి
మంచానపడితే...
నీ డబ్బే "మందుగా మారితే"...
నీ డబ్బే "డాక్టర్ ఫీజ్తైతే"...
నీ డబ్బే హాస్పిటల్ లో "చెల్లించే బిల్లైతే"...
నీ డబ్బే డాక్టర్ "చేతిలో కత్తైతే"...
నీ ఆపరేషన్ విజయవంతమైతే...
ఆపై నీవు ఆరోగ్యవంతుడివే ...
అదృష్టవంతుడివే మృత్యుంజయుడవే...