ఎట్టి మనసునైనా 

ఇట్టే పరవశింపజేసే

ప్రకృతి అందాలను 

తిలకించి పులకించి

పోనివారు లేరు 

కానీ 

పడుచు పిల్లల  

అందాలను మాత్రం  

ఆస్వాదించక 

అనుభవించక

అనుభూతి చెందక 

కొంటెచూపులతో  

కొరుక్కుతినాలనుకుంటారు 

జుంటితేనెనంతా

జుర్రుకోవాలని చూస్తారు

వెర్రి వాళ్ళై వెంటపడతారు

రెండుచేతులు జోడించి వేడుకుంటారు

ఆపై ఇక ఆటబొమ్మల్ని

చేసి ఆడుకుంటారు

అరచేతిలో స్వర్గం 

చూపి వాడుకుంటారు

దొంగల్లా దోరవయసునంతా 

దోచుకుంటారు 

ఆకలి తీరిన తర్వాత 

ఎంగిలి విస్తరాకువోలె

వీధిలోకి విసిరి వేస్తారు 

ఎదురుతిరిగి ప్రశ్నిస్తే 

భయపెడతారు బాధపెడతారు

బంగారు భవిష్యత్తును 

బుగ్గిపాలు చేస్తారు 

ఓ అమాయకపు అమ్మాయిలూ

తస్మాత్ జాగ్రత్త 

మీ అమాయకత్వం 

మీ అజ్ఞానం 

మీ అందచందాలే 

మీ అందరి ముందరి కాళ్లకు బంధాలు 

అవి ప్రకృతి అందాలైనా

పడుచుపిల్లల పరువాలైనా

ఇది ఇంతే ఇది విశ్వంలో వింతే