Facebook Twitter
నయవంచకులుంటారు జాగ్రత్త...తస్మాత్ జాగ్రత్త...?

కుట్రలతో ...
కుతంత్రాలతో...
కుయుక్తులతో...

మత్తు కళ్ళతో...
మాయమాటలతో...
కుళ్ళు జోకులతో...
వెకిలి నవ్వులతో...

నక్కవినయాలతో...
కక్కినదానికాశపడే
కుక్క బుద్దులతో...
తప్పుడు తలంపులతో...
అమాయకపు చేష్టలతో...

బలహీనుల్ని...
అమాయకుల్ని...
వెంటపడి వేధిస్తారు...
వేటగాల్ళై వేటాడుతారు...

ఆటబొమ్మల్లా
ఆడుకుంటారు...
వాడుకుంటారు...
అదను చూస్తారు...
వలలు విసురుతారు...

ముసుగులో మురిపిస్తారు...
మంచితనాన్ని కురిపిస్తారు...
అరచేతిలో స్వర్గం చూపిస్తారు...
నమ్మితే...నట్టేట ముంచేస్తారు....

ఆపద్బాంధవుల్లా
అవతారమెత్తి
తామే దైవాలమన్న
భ్రమను కల్పిస్తారు...

అందుకే...
జాగ్రత్త తస్మాత్ జాగ్రత్త...
ఈ మేకవన్య పులులతో...
ఈ తేనె పూసిన కత్తులతో...ఢ
నవ్వుతూ నవ్వుతూ
లోతుగా గోతులు తీసే
ఈ గోముఖవ్యాఘ్రాలతో...
నట్టేటముంచే ఈ నయవంచకులతో...