నేటి మన 

కార్పొరేట్ 

కాపురాలంటేనే

స్టార్ హోటల్ ల్లో

విందులు వినోదాలు 

విలాసాలు కులాసాలు

కోట్లు ఖరీదు చేసే 

విల్లాలలో నివాసాలు

ఔను కొన్ని కాపురాలు

అనురాగ గోపురాలు

కొన్ని హాయిగా స్వేచ్ఛగా 

ఎగిరే పక్షిరెక్కల కాపురాలు 

కొన్ని పెరటిలో పచ్చగా పెరిగే 

పూలమొక్కల కాపురాలు

కొన్ని పగిలి కలలు చెదిరే 

గాజుముక్కల కాపురాలు 

కొన్ని ఎంతకకూ అంతుచిక్కని 

ఎవరికీ అర్థం కాని 

కాకి లెక్కల కాపురాలు 

భార్య × భర్త =

అది తరగని కరగని 

కలతల కలహాల కన్నీటి కాపురం 

భార్య ÷ భర్త =

అది చిక్కుల చికాకుల 

ఎక్కువ తక్కువల ఏకాకి జీవితం 

భార్య - భర్త =

అది ఒంటరి తుంటరి విధి 

వంచిత విడాకుల విషాదకర జీవితం 

భార్య + భర్త =

అది వన్నెచిన్నెల వెన్నెల జీవితం 

కమ్మని తీయని కలల కాపురం 

అది వెచ్చని పచ్చని సుఖ సంసారం 

దైవాశీస్సులు పొందిన దాంపత్యజీవితం