మనకళ్ళకు కనిపించని 

కరోనా కొట్టిన కొరడా 

దెబ్బలకు ఒంటినిండా వాతలే 

విచిత్రమైన విధి వ్రాతలే

విశ్వమంతా విషాదగీతాలే

గుండెనిండా మానని గాయాలే

క్షణక్షణం భయం భావోద్వేగాలే

ముందు జీవితాలు అంధకారమే

అయోమయమే అగమ్యగోచరమే 

మనసునిండ మింగలేని కక్కలేని

మానసిక వ్యధలే బాధలే వేదనలే

చింతలు చీకాకులే చిమ్మచీకటులే

తలనిండా చిక్కుముడులు పడిన

గజిబిజి ఆలోచనలే గందరగోళాలే

కదిలిస్తే కలవరింతలే పలవరింతలే

గుండెలు రగిలే పగిలే చేదుజ్ఞాపకాలే 

విషాదభరితమైన వేడి నిట్టూర్పులే

కాంతిలేని కళ్ళనిండా కన్నీటిగాథలే 

కరోనా మరణాలే మారణహోమాలే

కాని,

ఆశే మనిషికి శ్వాస, 

ఆశే మనిషికి ఊపిరి

ఆశే మనిషికి ఆక్సిజన్, 

ఆశే మనిషికి ఆయుధం