కోర్కెల కొలిమి...?
ఓ మిత్రమా..!
నా ప్రియ నేస్తమా..!!
మన కోరికలు అనంతం
అవి తీరితీరగానే
తిరిగి మళ్ళీ మళ్ళీ
పుడుతూనే ఉంటాయి
గిడుతూనే ఉంటాయి
మనల్ని నిరాశ నిస్పృహల
నిప్పుల్లో వేసి కాల్చేస్తాయి...
సుడులు తిరిగే సమస్యల
సుడిగుండంలోకి నెట్టేస్తాయి...
అందుకే
ఓ మిత్రమా..!
నా ప్రియ నేస్తమా..!!
కోరికలు లేని జీవితాన్ని
నీవు కోరుకున్న నాడు...
కష్టాలు కన్నీళ్లు రాని...
రోగాలు రోష్టులు లేని...
సంతోషాలు
సంబరాలు తప్ప
సమస్యలు లేని...
వెన్నెల వెలుగులే తప్ప
చిమ్మ చీకట్లు లేని...
వింతలు విశేషాలే తప్ప
చింతలు చికాకులు లేని...
శుభకరమైన...
సుందరమైన...
సుఖవంతమైన...
మనోహరమైన...
మంగళకరమైన...
చెరగని చిరునవ్వుల...
తరగని సిరిసంపదల...ఒక కొత్త
జీవితం నీ సొంతమవుతుంది..!!
 |