ఓ ఆశాజీవులారా ! అపరభక్తులారా ! 

మీరు ఒక పచ్చినిజాన్ని తెలుసుకోండి !

మీరు రోజు గుడిమెట్లు ఎక్కుతారు

భక్తితో భగవంతునికి మొక్కుతారు

గుడి చుట్టూ తిరుగుతారు

గుండుచేయించుకుంటారు

వెంకటేశ్వరుని దర్శించుకుని

వేడుకుంటారు కరుణించమని

కొంచెం చిల్లర హుండీలో వేసి 

"కోటి వరాలు" కోరుకుంటారు

కాని ఏ దేవుళ్ళయినా 

ఏ దేవతలైనా మీకు 

వరాలనివ్వరు...

శాపాలనివ్వరు...

మీ ఘోరపాపాలను కడిగి

మిమ్మల్ని శుద్దిచేయరు...

"అవకాశాలను" మాత్రమే ఇస్తారు

అందుకు తగిన శక్తిని...సమయాన్ని 

జ్ఞానాన్ని...ఆరోగ్యాన్ని...అందిస్తారు

ఆపై అందిన ఆ అవకాశాలను 

మీరు "వరాలుగా" మార్చుకుంటారో?

లేక "శాపాలుగా" మార్చుకుంటారో ?

అది మీ ఇష్టం అది మీ చేతుల్లోనే వుంది

అంతామీ కష్టం మీ అదృష్టంపై ఆధారపడి ఉంది గుర్తుంచుకోండి !

ఇది ఎవ్వరూ కాదనలేని "నగ్నసత్యం" మరువకండి !