మనం
మన జీవితంలో
తెలిసో తెలియకో
చేసిన తప్పొప్పులనుండి
తీసుకున్న తప్పుడు
నిర్ణయాలనుండి
తగిలిన ఎదురు దెబ్బలనుండి
పొందిన చేదు అనుభవాలనుండి

మిత్రులనుండి
శతృవులనుండి
పండితులనుండి
పామరులనుండి
పైవారినుండి క్రింది పనివారినుండి
ఇంకా ఇంకా ఎందరినుండో నేర్చుకుంటాం

ఎన్నో ఎన్నెన్నో
పాఠాలు గుణపాఠాలు
కొన్ని బాధాకరమైనవి...
కొన్ని భరించలేనివి..
కొన్ని విలువైన వజ్రాలు
కొన్ని వెలకట్టలేని రత్నాలు
మణులు మాణిక్యాలు...

స్వీకరించాలి మంచిని చెడులోనుండి
కాస్త వివేకంతో విచక్షణాజ్ఞానంతో  ...
సహనంతో సమయస్పూర్తితో...
పాలనుండి నీటిని వేరుచేసే రాజహంసల్లా...

ఔను నిజాలెప్పుడూ నిప్పులే...
గుణపాఠాలెప్పుడూ గురువులే...
అనుభవాలెప్పుడూ అరుణకిరణాలే...
తప్పొప్పులెప్పుడూ తీర్చవలసిన అప్పులే...