ఓ మిత్రమా !
నేడు దీపావళి పండగని
స్టేటస్ కి సింబల్ గా
ఖరీదైన క్రాకర్స్ కొన్నావు
ఇష్టమని అందరికి
పుల్లారెడ్డి స్వీట్లు డ్రైప్రూట్స్
ప్యాకెట్లు ఇంటికి పట్టుకెళ్ళావు
మొన్న త్రయోదశని నీ భార్యకు
"బంగారు నగలు" కొనిపెట్టావు
నిన్న పుట్టిన రోజని నీ పిల్లలకు
కోరిన "కాష్ట్లీగిఫ్ట్" లిచ్చావు
"బ్రాండెడ్ బట్టలు" కొన్నావు
ఫైవ్ స్టార్ హోటల్లో బంధువులందరిని
పిలిచి బర్త్ డే ఫంక్షన్ "గ్రాండ్"గా చేశావు
అందుకే ఓ మిత్రమా ! నీవు తిరిగిన
ఆ "పుల్లారెడ్డి స్వీట్ షాప్" ప్రక్కనే
ఆ "బంగారు షాప్" దగ్గరే
ఆ "బ్రాండెడ్ బట్టల షాపింగ్ మాల్" దగ్గరే
వుండే వుంటారు నీడలేని "నిరుపేదలు"
వుండే వుంటారు
ఆకలికి అలమటించే "అనాధలు"
వుండే వుంటారు
పిడికెడు మెతుకులకు కోసం చెత్తకుండీల
దగ్గర కుక్కలతో కుస్తీ పట్టే, దిక్కు
మొక్కులేని బక్కచిక్కిన "బడుగుజీవులు"
చూడు మిత్రమా ! ఒక్కసారి చూడు
చిరిగిన ఎంగిలి విస్తరాకుల్లాంటి
చిధ్రమైన చిత్రమైన వారి జీవితాల్లోకి...
మిత్రమా! "ఒక్కసారి "తొంగి చూడు"
కన్నీరు ఇంకిన వారి కళ్ళల్లోకి...
మిత్రమా! ఒక్కసారి విను"...
ఎండిన వారి పేగుల్లో నుండొచ్చే ఆకలికేకలు
అందుకే ఓ మిత్రమా! ఒక్కసారి ఆలోచించు
"నిరుపేదలపై కురిపించి నీ ప్రేమజల్లు"
"వర్ధిల్లు హాయిగా నిండూనూరేళ్లు".....
ఆపై నీకు దినదినం దీపావళి పండుగే..
 |