నిన్నటి మన శతృవులే
నేటి మన స్నేహితులు
నేటి మన  స్నేహితులే
రేపటి మన ప్రాణమిత్రులు
నిజమైన స్నేహానికదే చెరగని చిరునామా

స్నేహమే మన శక్తి
సంతోషమే మన సంపద
సమానత్వమే మన ఆశయం
మంచితనమే మన ఆయుధం
కలుపుగోలుతనమే మన బలం
అందమైన జీవితానికదే నిలువెత్తు నిదర్శనం

పేదల్ని ప్రేమించాలి పెద్దల్ని గౌరవించాలి
అందరినీ ఆత్మీయంగా పలకరించాలి
అజ్ఞానులకు బోధించాలి
అమాయకులకు కనువిప్పు కలిగించాలి
ఓడిపోయిన వారిని ఓదార్చాలి
పడిపోయిన వారిని పైకి లేపాలి
శక్తి హీనులను చైతన్య పరచాలి
నిజానికదే సంఘ‌సంస్కర్తల ప్రధాన ఆశయం

కష్టాలలోవున్న వారిని తక్షణమే ఆదుకోవాలి
పరులనుండి పైసా ఆశించక మనస్ఫూర్తిగా సేవ చెయ్యాలి
హృదయపూర్వకంగా చేయగలిగినంత
సహాయం చేయాలి నేనున్నానన్న భరోసా నివ్వాలి
నిజానికదే ప్రేమకు ప్రతిరూమైన సత్పురుషసందేశం