పాముతో కలిసి 
వేడివేడి పాలు త్రాగాలని 
పాము పడగ నీడన 
ప్రశాంతంగా పవళించాలని 
కమ్మని కలలు గనే 
ఆ అమాయకపు కప్పలకు
తెలియదు పాపం ఒక పచ్చినిజం 

తమకు ప్రాణగండముందని...
తమకు పాముకు బద్దవైరమని...
తాము పాములకు ఆహారమని...

కప్పలు పదివేలు ఏకమైనా 
ఒక్కపామునైనా సంహరించలేవని
చీమలు సైతం పాములకు శతృవులని
ముల్లును ముల్లుతోనే తియ్యాలని
ఆ అమాయకపు కప్పలకు 
నేడే తెలిసింది ఒక పచ్చినిజం 

కసిపట్టి బుసలు
కొట్టే కోడెనాగుల 
విషపు కోరల నుండి 
విముక్తి లభించాలంటే... 
చలిచీమల సహకారం తప్పదని...