ఓ ప్రియ మిత్రులారా !
నా శ్రేయోభిలాషులారా!!

ఎల్లప్పుడూ ఆనందంగా వుండండి !
అనవసరంగా ఆందోళన చెందకండి!

నిదానమే ప్రధానం అన్నది నిన్నటి మాట!
వేగమే ప్రధానం ఈకంప్యూటర్ యుగంలో !

నిజానికి పేదవారిగా పుట్టడం  తప్పు కాదు!
కానీ, పేదవాళ్ళుగా మరణించడం పెద్దనేరమే !

మీ చిరునవ్వులే చీకటిలో వెలిగే చిరుదీపాలు!
మీ కోపతాపాలే తీరనిశాపాలు నరకకూపాలు!

ప్రతినిత్యం మరుక సత్యమునే బోధించండి!
నటించకండి నమ్మినవారిని నట్టేటముంచకండి!

పురోభివృద్ధికే మీ ఆలోచనలు పునాది కావాలి!
సమయాన్ని సత్సంకల్పాలను సమాధిచేయకండి!

ఏనాడైనా ఎవరిని కూడా భయపెట్టకండి బాధించకండి!
ఎప్పుడైనా ఎవరైనా ఆపదలోవున్న తక్షణమే ఆదుకోండి!

బిందువులే సింధువైనట్లు నేటిపొదుపే రేపటిమదుపు!
దేనినీ నేడు వృధాచేయకండి రేపు లేదని వ్యధచెందకండి!

కదలని మెదలని ఉలుకు పలుకులేని శిలలా వుండకండి!
నిరంతరం ఉవ్వెత్తున ఎగిసిపడే కడలికెరటంలా వుండండి!

ఔను నేడు నిరుపేదలకు అనాధలకు ఇష్టంతో ఇచ్చువారు!
రేపు ఆ పరమాత్మ నుండి పుష్కలంగా పుచ్చుకుంటారు!

ఎప్పుడైనా ఏనాడైనా పడినా సరే పైకి లేవడానికి! పక్షుల్లా హాయిగా ఎగరడానికి మొక్కల్లా పచ్చగా ఎదగడానికే తప్ప

ఏనాడు విడిపోవడానికి చెడిపోవడానికి పాతాళంలో పడిపోవడానికి పతనమైపోవడానికి ప్రయత్నించకండి!

ప్రతివారిని ప్రేమించండి అందరిలో ఆ దైవాన్ని దర్శించండి!
ఎవరినీ అకారణంగా ద్వేషించకండి కోపంతో దూషించకండి!

అన్న పోలన్న ఈ సుమధుర సుభాషితం!
విన్న చాలును మీ జీవితం సువర్ణశోభితం !