మన ప్రధాని కాలర్ పట్టుకునే హక్కు కలిగింది

 ఒకసారి నెహ్రూ పాకిస్థాన్ నుంచి వలస వచ్చిన కాందీశీకులు నివాసముండే ప్రాంతాలను సందర్శిస్తున్నారు. ఈ సమయంలో నెహ్రూకు ఊహించని సంఘటన ఎదురైంది. నెహ్రూ పర్యటిస్తున్న సమయంలోనే ఒక వ్యక్తి అకస్మాత్తుగా నెహ్రూ కాలర్ పట్టేసాడు. నిర్ఘాంత పోవడం నెహ్రూ వంతయ్యింది. కొంత షాక్ కు గురయ్యారు కూడా. ‘‘ఆజాదీసే హమే క్యా మిలా?’’ (స్వాతంత్ర్యం రావడం వల్ల మనకు  ఏం దొరికింది?) అంటూ కాలర్ పట్టుకుని  గట్టిగా  నిలదీశాడు అతను.  నెహ్రూ నింపాదిగా సమాధానమిచ్చారు. ‘‘మన ప్రధాని కాలర్ పట్టుకునే హక్కు కలిగింది’’ అని నవ్వుతూ నెహ్రూ సమాధానమిచ్చారు.