నేను నోరు విప్పితే రహస్యాలు బయటపడతాయి... జగన్‌కు జలీల్ ఖాన్ హెచ్చరిక

తమ పార్టీలోని ఎమ్మెల్యేలను చంద్రబాబు కొనుగోలు చేసే పనిలో పడ్డారని..దమ్ముంటే వారితో రాజీనామా చేయించి ఎన్నికలకు దిగాలని వైసీపీ అధినేత జగన్మోహన్ రెడ్డి సవాల్ విసిరారు. అయితే ఆ సవాల్ చంద్రబాబు స్పందించలేదు కానీ.. ఇటీవలే వైసీపీ పార్టీ నుండి టీడీపీలోకి జంప్ అయిన ఎమ్మెల్యే జలీల్ ఖాన్ మాత్రం స్పందించి తిరిగి జగన్ కు ప్రతి సవాల్ విసిరారు. విజయవాడలో ఎమ్మెల్సీ బుద్దా వెంకన్నతో కలిసి జలీల్‌ఖాన్‌ మీడియా సమావేశంలో పాల్గొన్న ఆయన 'మమ్మల్ని రాజీనామా చేయమని వైసీపీ నాయకులు కోరుతున్నారు. రాజీనామాకు సిద్ధంగా ఉన్నాను. ఆతర్వాత జరిగే ఎన్నికల్లో నేను గెలిస్తే వైసీపీని మూసేస్తారా' అంటూ జలీల్‌ఖాన ప్రతిపక్ష నేత జగన్‌కు సవాల్‌ విసిరారు. 'నాలుగేళ్లలో వైసీపీ కోసం రెండు కోట్లు ఖర్చు పెట్టాను. నేను నోరు విప్పితే రహస్యాలు బయటపడతాయి'అని జలీల్ ఖాన్ హెచ్చరించారు.