కేటీఆర్ చెబుతానన్న సస్పెన్స్ న్యూస్ ఇదే..

తెలంగాణ ఐటీ శాఖ మంత్రి కేటీఆర్ గత రెండు రోజుల క్రితం ట్విట్లర్లో ఒక ఆసక్తికరమైన పోస్ట్ చేసిన సంగతి తెలిసిందే. ఎల్లుండి అంటే ఈరోజు తానో బిగ్ న్యూస్ చెబుతానని.. అందరూ వెయిట్ చేయండని ట్వీటారు. ఇక అంతే అప్పటినుండి కేటీఆర్ చెబుతానన్న విషయం ఏంటబ్బా అని అటు సామాన్యా ప్రజల దగ్గర నుండి పార్టీ నేతల వరకూ ఎంతో ఆసక్తిగా వెయిట్ చేశారు. ఇక కొంతమందైతే తమకు నచ్చిన కథనాలు రాసేశారు. అయితే ఇప్పుడు అందరి సస్పెన్స్ కు తెర దించుతూ కేటీఆర్ ఆ విషయం చెప్పారు. కేసీఆర్ చేసిన ట్వీట్ చూస్తే నోరెళ్లబెట్టాల్సిందే. "నేను చెప్పాలనుకుంటున్న బిగ్ న్యూస్ ఏంటని అడుగుతున్న వారికి నా సమాధానం ఇదే... 'బాహుబలిని కట్టప్ప ఎందుకు చంపాడు?' ఈ ప్రశ్నకు సమాధానం కనుక్కోవడమే బిగ్ న్యూస్... నాక్కూడా తెలియదు" అని ట్వీట్ చేశారు. అంతేకాదు దీనికి సమాధానాన్ని తన స్నేహితుడు రానా దగ్గుబాటి వద్ద తెలుసుకోవాలని కూడా అన్నారు. మరి రెండురోజులు ఊరించి ఇప్పుడు ఈ న్యూస్ చెప్పిన కేటీఆర్ పై నెటిజన్లు ఎలా స్పందిస్తారో చూడాలి. మొత్తానికి కేటీఆర్ కూడా తనలో ఉన్న కామెడీ యాంగిల్ ను ఈరకంగా చూపించారన్నమాట.