పొడవు వారు.. గట్టివారు..
posted on Mar 8, 2016 9:30AM
పొడవుగా వుంటే జీవితంలో అన్నింటా ముందుంటారు.. నిజం నమ్మండి అంటున్నారు ‘ఎకనామిక్స్ అండ్ హ్యూమన్ బయాలజీ’ పరిశోధకులు. దాదాపు నాలుగు లక్షల మందితో వారు చేసిన సర్వేలో ఈ విషయం తేలింది.
సుమారు ఐదడుగుల పదంగుళాలకు మించి ఎత్తుండే మగవారు తమ తోటివారితో పోలిస్తే చదువులోనూ, సంపాదనలోనూ, సామాజిక సంబంధాల విషయంలోనూ, ఆనందంలోనూ ముందుంటారట.
వారి ఎత్తుతోపాటు వారిలో ఈ లక్షణాలు ఎక్కువగా వుండటం గుర్తించారు ఆ సర్వేలో. ఇక ఆడవారి ఎత్తు 5.4 అడుగులు మించితే ఇంచుమించు వారిలో కూడా ఆత్మవిశ్వాసం, చురుకుదనం, తెలివితేటలు ఎక్కువగా ఉండటం గుర్తించారు.
ఇంకా ఈ విషయంలో అధ్యయనం కొనసాగిస్తున్నారు. ఇంకెన్ని విషయాలు మనల్ని ఆశ్చర్యంలో ముంచబోతున్నాయో వేచిచూడాలి. ప్రస్తుతానికైతే పొడవు వాళ్ళు గట్టివాళ్ళు అనుకోవాలి.
-రమ