సోనియా అల్లుడికి బిగుస్తున్న ఉచ్చు.. సంజయ్ భండారీతో రెగ్యులర్ టచ్..

కాంగ్రెస్ పార్టీ అధ్యక్షురాలు సోనియా గాంధీ అల్లుడు రాబర్ట్ వాద్రాకు ఆయుధ వ్యాపారి సంజయ్ భండారీ తో సంబంధాలు ఉన్నాయన్న ఆరోపణలు వస్తున్న సంగతి తెలిసిందే. అంతేకాదు సంజయ్ భండారీ నుండి వాద్రా లండన్ లో ఓ లగ్జరీ ప్లాట్ ను బహుమతిగా స్వీకరించారని కూడా అంటున్నారు. అయితే వీటిపై స్పందించిన సోనియా మాత్రం.. పిచ్చి ప్రేలాపనలు వద్దు.. విచారణ జరిపించి రుజువు చేయించండి.. అని నిప్పులు చెరిగారు. అయితే సోనియా అన్న మాటలను కేంద్రం సీరియస్ గా తీసుకున్నట్టు ఉంది. అందుకే ఈ సవాల్ ను స్వీకరించి.. వేగవంతమైన దర్యాప్తుకు ప్రభుత్వం ఆదేశాలు జారీ చేసినట్లుంది. దీనిలో భాగంగానే ఇప్పుడు ఇంటెలిజెన్స్ బ్యూరో ద్వారా ఒక విషయం బయటకు వచ్చింది. ఈ విషయానికి సంబంధించి గతంలో 2011 లో ఐబీ(ఇంటెలిజెన్స్ బ్యూరో) ఒక నివేదిక ఇవ్వగా ఇప్పుడది బయటకు వచ్చింది. అందులో సంజయ్ భండారీ... వాద్రాతో నిత్యం టచ్ లో ఉన్నట్లు.. తన కంపెనీ పేరిట తీసుకున్న వాద్రా మొబైల్ ఫోన్ కు భండారీ పలుమార్లు ఫోన్లు చేసినట్టు ఉంది. దీంతో వాద్రాకు మరింత ఉచ్చు బిగించినట్టైయింది. మరి దీనిపై సోనియా ఎలా స్పందిస్తారో చూడాలి.