ఆయన్ని కూడా వదలవా వర్మా..?

వివాదాస్పద వ్యాఖ్యలకి కేర్ ఆఫ్ అడ్రస్ ఎవరంటే టక్కున గుర్తొచ్చే పేరు రామ్ గోపాల్ వర్మ. ఎవరిమీదైనా సరే నిర్మొహమాటంగా..తనకి ఏం మాట్లాడాలనిపిస్తే అది మాట్లాడేస్తాడు. అయితే ఇప్పటి వరకూ జాతీయ స్థాయిలోనే విమర్శలు చేసిన రాంగోపాల్ వర్మ.. ఇప్పుడు తాజాగా అమెరికా అధ్యక్ష బరిలో ఉన్న డోనాల్డ్ ట్రంప్‌ను కూడా వదల్లేదు. ప్రస్తుతం డోనాల్డ్ ట్రంప్‌ రిపబ్లికన్ పార్టీ తరఫున అమెరికా అధ్యక్ష బరిలో ఉన్నారు. ఈయన వ్యవహార శైలిపై రాంగోపాల్ వర్మ స్పందిస్తూ.. అమెరికా చరిత్రలోనే ఇంత కలర్‌ఫుల్ అధ్యక్ష అభ్యర్థి, బహిరంగంగా మాట్లాడే వ్యక్తి మరొకరు ఉన్నారని తాను అనుకోవడం లేదని.. బాల్ థాకరే, కేసీఆర్, లాలూ ప్రసాద్ యాదవ్‌లు ముగ్గురు ఒకే వ్యక్తిగా మారితే.. అతనే డొనాల్డ్ ట్రంప్ అని, డొనాల్డ్ అమెరికా అధ్యక్షుడు కావాలని మనస్పూర్తిగా కోరుకుంటున్నానంటూ వర్మ ట్విట్టర్‌లో తన సందేశాన్ని పోస్టు చేశారు. మొత్తానికి రామ్ గోపాల్ వర్మ అమెరికా వాళ్లను కూడా వదలట్లేదు.