ఆటోలో షికారు చేసిన సీఎం

రాజస్థాన్ ముఖ్యమంత్రి వసుంధరరాజే ఆటోలో షికారు చేశారు, ఫుల్ సెక్యూరిటీ మధ్య బుల్లెట్ ప్రూఫ్ కార్లలో తిరిగే సీఎం... ఎలాంటి హంగూఆర్భాటాలు లేకుండా ఆటో ఎక్కి షికార్లు కొట్టారు. జైపూర్లో పర్యటిస్తుండగా అందంగా తెల్లటి రంగులో ముస్తాబైన ఆటోను చూసి ముచ్చటపడ్డ వసుంధరరాజే... వెంటనే ఆటో ఎక్కేసి జైపూర్ రోడ్లపై చక్కర్లు కొట్టేశారు, ఆటో ఫొటోలను, తాను ఆటోలో షికారు చేస్తున్న ఫొటోలను తన అధికారిక ట్విట్టర్ అకౌంట్ లో పోస్ట్ చేసిన వసుంధరరాజే... జైపూర్ లో ఇలాంటి కళాత్మక ఆటోలను ఎవరైనా చూస్తే... వాటి ఫొటోలను ఆర్ట్ ఆన్ వీల్స్ అనే హ్యాష్ ట్యాగ్‌తో ట్వీట్ చేయాలని పిలుపునిచ్చారు. అంతేకాదు అలాంటి అందమైన ఆటోల్లో ప్రయాణించి మజాను ఆస్వాదించాలంటూ సూచించారు.