ప్రేమకు నో చెప్పి.. పెళ్ళికి రెడీ..
posted on Mar 6, 2021 3:26PM
ఎవరైనా ప్రేమిస్తే పెళ్లి చేసుకుంటారు. అతడు ప్రేమ పేరుతో మోసం చేశాడు. మరో అమ్మాయితో పెళ్ళికి రెడీ అయ్యాడు. అమ్మాయే కదా ఏం చేస్తుందని అనుకున్నాడు. పెళ్లి పీటల మీద కూర్చున్నాడు. స్థానిక విల్లివాక్కంలో ప్రియుడికి జరుగుతున్న వివాహాన్ని పోలీసుల సాయంతో ఓ యువతి అడ్డుకోవడం కలకలం రేపింది. చైన్నై తిరువళ్లూర్ జిల్లా తిరువాలంగోడుకు చెందిన గణేశన్ (30) విల్లివాక్కంలో కూయగూరల దుకాణం నడుపుతున్నాడు. అతనికి అదే ప్రాంతానికి చెందిన 30 ఏళ్ల యువతితో ఏర్పడిన పరిచయం ప్రేమగా మారింది. ఇద్దరూ ఫోన్లో మాట్లాడుకోవడం, కలసి తిరిగేవారు. ఈ నేపథ్యంలో, గణేశన్కు మరో యువతితో శుక్రవారం ఉదయం వివాహం జరుగనుందని తెలుసుకున్న ప్రియురాలు విల్లి వాక్కం పోలీసులను ఆశ్రయించింది. పోలీసులు కల్యాణ మండపానికి చేరుకొని గణేశన్ విచారించారు. గణేశన్తో సన్నిహితంగా ఉన్న ఫొటోలను యువతి చూపించడంతో వధువు, ఆమె కుటుంబసభ్యులు దిగ్ర్భాంతి చెందారు. వివాహాన్ని అడ్డుకున్న పోలీసులు గణేశన్ను పోలీస్ స్టేషన్కు తీసుకెళ్లి విచారిస్తున్నారు.