ప్రపంచంలోనే పెద్ద ఉల్లిపాయ ఇదిగో...

ప్రపంచంలోనే పెద్ద ఉల్లిపాయని ఇంగ్లండ్‌లో ఓ రైతు పండించాడు. ఆ రైతు పండించిన ఉల్లిపాయ బరువు ఎంతంటే... ఎనిమిది కిలోలు. ఇంగ్లండ్‌లోని సౌత్ డెర్బీషైర్ మోరిరా నగరంలో టోనీ గ్లోవర్ అనే రైతు తన తోటలో ఈ ఉల్లిపాయను పెంచాడు. ప్రపంచంలోనే అతి పెద్ద ఉల్లిపాయగా ఈ స్పెషల్ ఉల్లిపాయ గిన్నిస్ బుక్‌లో చోటు సంపాదించుకుంది. ఈ ఉల్లిపాయ చుట్టుకొలత 32 ఇంచ్‌లు. పెద్దపెద్ద ఉల్లిపాయలను పండించడం గ్లోవర్ వంశానికి అలవాటు అట. ఈయనగారి తాత, తండ్రి కూడా పెద్దపెద్ద ఉల్లిపాయలను పండిచండంలో సిద్ధహస్తులట. ఇప్పుడు ఈయన కూడా అతి పెద్ద ఉల్లిపాయని పండించి గిన్నిస్ రికార్డు సృష్టించాడు.