స్టాలిన్ సీఎం అవ్వాలంటే నాకు ఏమన్నా అవ్వాలి.. కరుణానిధి

డీఎంకే అధినేత కరుణానిధి తన కుమారుడు స్టాలిన్ ను ఉద్దేశించి ఆసక్తికర వ్యాఖ్యలు చేశారు. ఎన్నికల్లో గెలిస్తే ముఖ్యమంత్రి అయ్యేది తనేనని.. స్టాలిక్ కు ఆ ఛాన్స్ లేదని అన్నారు. స్టాలిన్ ముఖ్యమంత్రి అవ్వాలంటే తనకు ఏమైనా అవ్వాలి.. ప్రకృతి నన్ను ఏమైనా చేయాలి అంతే.. అప్పటి దాకా స్టాలిన్ ఎదురుచూడాల్సిందే అని వ్యాఖ్యానించారు. ఇంకా జయలలితపై కూడా నాలుగు విమర్శల బాణాలు సంధించారు. మాపార్టీ ఎన్నికల తేదీ ప్రకటించిన వెంటనే మేనిఫెస్టో విడుదల చేసింది.. కానీ జయలలిత మేనిఫెస్టో మిగత పార్టీల నుండి కాపీ కొట్టిందని.. అది కూడా చాలా ఆలస్యంగా విడుదల చేశారు.. ఇంకా నయం ఎన్నికల తరువాత ప్రకటిస్తారేమో అని అనుకున్నానని ఎద్దేవ చేశారు. అందులో చెప్పిన ఉచిత పథకాలన్నీ ప్రజలను పిచ్చివాళ్లను చేయడానికే అని అన్నారు.