‘ఐ’ హీరోయిన్ అమీ జాక్సన్‌కి ప్రమాదం

ఇటీవల విడుదలై భారీ చిత్రం ‘ఐ’లో హీరోయిన్‌గా నటించిన అమీ జాక్సన్ ప్రమాదానికి గురైంది. ప్రాణాపాయ స్థితి వరకూ వెళ్ళి బయటపడింది. ‘ఐ’ సినిమాలో నటించిన తర్వాత అమీ జాక్సన్‌కి తమిళ సినిమాలలో మార్కెట్ పెరిగింది. ఆమె అక్కడ పలు చిత్రాల్లో నటిస్తున్నారు. ఉదయనిధి స్టాలిన్ హీరోగా తిరుకుమారన్ దర్శకత్వంలో రూపొందుతున్న ఒక చిత్రంలో అమీ జాక్సన్ నటిస్తోంది. ఈ సినిమా షూటింగ్ కేరళలో జరుగుతోంది. ఒక కొండ మీద షూటింగ్ జరుగుతున్న సమయంలో అమీ జాక్సన్ ఎక్కిన బైక్ అదుపు తప్పి పడిపోయింది. దాని మీద వున్న అమీ జాక్సన్ లోయలో పడిపోబోయింది. అయితే అదే సినిమాలో నటిస్తున్న కరుణాకరన్ అనే హాస్య నటుడు సమయానికి స్పందించి అమీ జాక్సన్‌ని కాపాడటంతో ప్రాణాలతో బయటపడింది.