ప్రీతీ జింటా దేశభక్తి చూశారూ...

బాలీవుడ్ హీరోయిన్ ప్రీతీ జింటా దేశభక్తి బయటపడింది. తనలో దేశభక్తి ఏ స్థాయిలో వుందో తెలిపే సంఘటన గురించి ప్రీతీ జింటానే ట్విట్టర్లో పోస్ట్ చేసింది. హృతిక్ రోషన్ నటించిన ‘బ్యాంగ్ బ్యాంగ్’ సినిమా చూడ్డానికి ప్రీతి ముంబైలోని ఓ థియేటర్‌కి వెళ్ళిందట. సినిమా మొదలయ్యే ముందు జనగణమన గీతం వస్తూ వుండగా థియేటర్లోని అందరూ లేచి నిల్చున్నారట. అయితే ఒక యువకుడు మాత్రం లేచి నిల్చోలేదట. దాంతో ప్రీతీ జింటాకి విపరీతమైన కోపం వచ్చేసిందట. ఆ యువకుడి దగ్గరకి వెళ్ళి అతనిని సీట్లోంచి లేపి అతన్ని అర్జెంటుగా థియేటర్ నుంచి బయటకి తోసేసిందట. ఈ సంఘటన వెనుక ప్రీతీ జింటా దేశభక్తి సంగతేమోగానీ, ప్రీతీ జింటా ఓవర్ యాక్షనే ఎక్కువ కనిపిస్తోందని విమర్శకులు అంటున్నారు.