చిన్నారుల డైపర్లలో బంగారు బిస్కెట్లు...

ఇప్పటివరకూ పలు అక్రమ మార్గాల ద్వారా బంగారం తరలించడం చూస్తునే ఉన్నాం. ఇప్పుడు తాజాగా చిన్న పిల్లలు వాడే డైపర్లలో బంగారం తరలిస్తూ పట్టుబడ్డారు. ఈ ఘటన ఢిల్లీలో చోటుచేసుకుంది. వివరాల ప్రకారం...  ఢిల్లీలోని ఇందిరాగాంధీ అంతర్జాతీయ విమానాశ్రయానికి దుబా య్ నుంచి ఢిల్లీ విమానం రాగా ఇందులో  సూరత్‌కు చెందిన ఆరుగురు వచ్చారు. వీరిలో ఇద్దరి మహిళల వద్ద పాపలు ఉన్నారు. ఇక ఉదయం 7 గంటలకు భద్రతా సిబ్బంది ప్రయాణికులను క్షుణ్ణంగా తనిఖీ చేయగా చిన్నారుల డైపర్లలో బంగారు బిస్కెట్లు కనిపించాయి. కేజీ బరువున్న 16 బంగారు బిస్కెట్లను రెండు డైపర్ల నుంచి అధికారులు స్వాధీనం చేసుకున్నారు. కస్టమ్స్ అధికారులు వారిని విచారిస్తున్నారు.