ఏపీలో విద్యుత్ ఛార్జీల పెంపు

ఆంధ్రప్రదేశ్ రాష్ట్రంలో విద్యుత్ ఛార్జీలను పెంచుతూ ఉత్తర్వులు జారీ అయ్యాయి. ఈఆర్‌సి ఛైర్మన్ జస్టిస్ భవానీ ప్రసాద్ ఈ ఉత్తర్వులు విడుదల చేశారు. నెలకు 2 వందల యూనిట్ల పైన విద్యుత్ వాడకానికి ఛార్జీలు పెంచారు. గృహ విద్యుత్ విషయంలో 2 వందల యూనిట్ల వరకు ఛార్జీల పెంపు లేదు. వ్యవసాయానికి, కుటీర పరిశ్రమలకు ఛార్జీల పెంపు నుంచి మినహాయింపు ఇచ్చారు. ఎల్‌టీ కేటగిరీ - 3లో మరికొంతమంది ఛార్జీల పెంపు నుంచి మినహాయింపు ఇచ్చారు. చక్కెర మిల్లులు, పౌల్ట్రీ పరిశ్రమలకు ఛార్జీల పెంపు నుంచి మినహాయింపు ఇచ్చారు. ప్రభుత్వం నుంచి 3,186 కోట్ల రాయితీ లభించిందని ఈఆర్‌సి ఛైర్మన్ తెలిపారు.