జనసేనలోకి చిరంజీవి..!

ఇప్పుడు రాజకీయ వర్గాల్లో హాట్ టాపిక్ ఎంటంటే సినీనటుడు, ప్రస్తుత కాంగ్రెస్ రాజ్యసభ సభ్యుడు చిరంజీవి, తన తమ్ముడు పవన్ కళ్యాణ్ జనసేన పార్టీలోకి వచ్చే అవకాశాలు కనిపిస్తున్నాయంటూ రాజకీయ వర్గాలు చెవులుకొరుక్కుంటున్నారు. త్వరలోనే ఈ అన్నాదమ్ములిద్దరూ చేతులు కలుపుతారని ఊహాగానాలు చెలరేగుతున్నాయి. అయితే వీళ్లిద్దరూ కలవడానికి ఒక వ్యక్తి ప్రయత్నిస్తున్నాడట. అది ఎవరో కాదు చిరంజీవి తనయుడు మెగా పవర్ స్టార్ రామ్ చరణ్ తేజట. గత కొంత కాలంగా ఈ అన్నాదమ్ములిద్దురూ ఎడమొహం, పెడమొహంగా ఉంటున్నారన్న సంగతి తెలిసిందే. ఏదో పైకి అలా ఏం లేదు అని వారు చెప్పినా చూసే వారికి మాత్రం అర్ధమవుతోంది. అయితే ఇప్పుడు మన హీరో రామ్ చరణ్ తేజ నాన్న బాబాయి లను కలిపేందుకు ఇద్దరినీ ఒకే గొడుగు కిందికి తెచ్చేందుకు మధ్యవర్తిత్వం చేస్తున్నారట. అంతేకాదు రామ్ చరణ్ తేజకు అల్లు అర్జున్ కూడా సహకరిస్తున్నట్టు తెలుస్తోంది. కాగా జనసేన పార్టీలోకి రావడానికి చిరంజీవి కూడా సముఖత చూపించినట్టు.. ఎప్పటినుండో వెయిటింగ్ లో ఉన్న తన 150 వ చిత్రం అయిపోయిన వెంటనే జనసేనలోకి వచ్చి రాజకీయాలను పూర్తి స్థాయిలో నడిపే ఆలోచనలో చిరంజీవి ఉన్నట్లు చెబుతున్నారు. మరి అన్నాదమ్ములిద్దరూ ఒకే పార్టీలోకి ఉండి రాజకీయాల్లో ఎంత వరకూ అదరగొడతారో చూడాలి.