ఒబామా ప్రసంగాన్ని అడ్డుకున్న ట్రాన్స్ జెండర్

అమెరికా అధ్యక్షుడు బరాక్ ఒబామా ప్రసంగాన్ని ఓ ట్రాన్స్ జెండర్ మహిళ అడ్డుకుంది. ఒబామా వైట్ హౌస్ లో ఎల్ జీబీటీకు సంబంధించిన ప్రసంగం చేస్తుండగా ట్రాన్స్ జెండర్ మహిళ అడ్డుకొని గట్టిగా నినాదాలు చేసింది. ట్రాన్స్ జెండర్ లకు ప్రభుత్వం కల్పిస్తున్న సదుపాయాలు గురించి గట్టిగా ప్రశ్నించారు. ఒబామా వారించినప్పటికీ ఆమె అలాగే ఆయన ప్రసంగాన్ని పలుమార్లు అడ్డుకోవడంతో ఒబామా ఆగ్రహం వ్యక్తంచేశారు. ఇలా ప్రవర్తించడం మర్యాదపూర్వకం కాదని ఒబామా హెచ్చరించినా ఆమె అలానే ప్రవర్తిస్తుండడంతో భదత్ర సిబ్బందితో చెప్పి ఆమెను బయటికి పంపించేశారు.