పవన్ పార్టీ పెడితే.. ఆలోచిస్తా: అలీ

సినీ హీరో పవన్‌కళ్యాణ్ పార్టీపెడితే రాజకీయ ప్రవేశం, పోటీ చేసే అంశాల గురించి ఆలోచిస్తానని సినీ నటుడు అలీ చెప్పారు. గుంటూరులో జరిగిన ఓ ప్రైవేటు కార్యక్రమానికి ఆయన హాజరయ్యారు. ఈ సందర్భంగా విలేకరులతో మాట్లాడుతూ పవన్ పార్టీ పెట్టకుండా రాజకీయాల గురించి మాట్లాడనన్నారు. రాజమండ్రి నుంచి పవన్ పార్టీ తరపున పోటీచేయనున్నారని ప్రచారం జరుగుతున్నట్లు విలేకరులు అడగ్గా అలాంటిదేమీ లేదన్నారు. టీడీపీ తరఫున రాజమండ్రి నుంచి గానీ, గుంటూరు తూర్పు నియోజకవర్గం నుంచి గానీ అలీ పోటీ చేస్తారని ఇటీవల ప్రచారం జరిగిన నేపథ్యంలో ఈ ప్రకటన చేయడం ప్రాధాన్యం సంతరించుకుంది.