చావుబతుకుల్లో జాయింట్ కలెక్టర్

ఆదిలాబాద్ జిల్లా జాయింట్ కలెక్టర్ సుందర్ అబ్నార్ రోడ్డు ప్రమాదానికి గురై చావుబతుకుల్లో వున్నారు. ఆదిలాబాద్ జిల్లా మామడ మండలం మొండిగుట్ట సమీపంలో ఆయన ప్రయాణిస్తున్న కారు ప్రమాదానికి గురైంది. ఆయన ప్రయాణిస్తున్న కారు రోడ్డు డివైడర్ని ఢీకొనడంతో ప్రమాదం జరిగింది. నిర్మల్‌లో జరిగిన అధికారిక కార్యక్రమంలో పాల్గొని ఆదిలాబాద్‌కి తిరిగి వెళ్తుండగా ఈ దుర్ఘటన జరిగింది. ఈ ఘటనలో ఆదిలాబాద్ జిల్లా జాయింట్ కలెక్టర్ సుందర్ అబ్నార్, కారు డ్రైవర్ తీవ్రంగా గాయపడ్డారు. అబ్నార్ పరిస్థితి విషమంగా వున్నట్టు తెలుస్తోంది. మెరుగైన చికిత్స కోసం ఆయనను హైదరాబాద్‌కి తరలించారు.