‘కలెక్షన్ కింగ్’ మోహన్‌బాబు కుమార్తె మంచు లక్ష్మి ఇటీవల సరోగసి వైద్య పద్ధతి ద్వారా పండంటి ఆడపిల్లకి జన్మనిచ్చిన విషయం తెలిసిందే. ఈ పాప పుట్టిన దగ్గర్నుంచి మంచువారి ఇంటిలో సందడే మారిపోయింది. మంచు కుటుంబం మొత్తం ఈ పాపే ప్రపంచంగా వున్నారు. మంచు లక్ష్మి అయితే రోజుల పాప, తాను, తన భర్తతో ఫొటో షూట్ కూడా చేయించి తన ట్విట్టర్ అకౌంట్లో పెట్టింది. ముద్దులొలికేలా వున్న మంచు లక్ష్మి కూతుర్ని చూసి అందరూ ఆమెకి కంగ్రాట్స్ చెబుతున్నారు. ఇదిలా వుంటే, మంచు లక్ష్మి కూతుర్ని చూసి ముద్దాడటానికి సీనియర్ నటి జమున మంగళవారం నాడు మోహన్‌బాబు ఇంటికి వచ్చింది. పాపని చాలాసేపు ఎత్తుకుని ముద్దాడింది. ఈ సందర్భంగా మోహన్ బాబు కుటుంబానికి జమున అభినందనలు తెలిపారు. సీనియర్ నటి జమున తమ పాపను ముద్దాడటానికి రావడంతో మంచు లక్ష్మి, ఆమె భర్త ఆనందంతో పొంగిపోతున్నారు.
.gif)
.webp)
