డైరెక్టర్ మణిరత్నం ఇంటిని ముట్టడించిన బయ్యర్లు

మణిరత్నం దర్శకత్వంలో రూపుదిద్దుకున్న 'కడల్‌' చిత్రం తమను నష్టాల పాల్జేసిందంటూ చిత్ర బయ్యర్లు ఆందోళనకు దిగారు. ఈ సినిమా తమిళ వెర్షన్ బయ్యర్లకు భారీ లాసులు మిగిల్చిందని వార్త. దీంతో చిత్రంతో తమకు కలిగిన నష్టాన్ని భర్తీ చేయాలంటూ బయ్యర్లు దర్శకుడు మణిరత్నం మీద పడ్డారు.

ఈ సినిమాకు దర్శక, నిర్మాతగా వ్యవహరించిన మణి తమకు ఏదో ఒక దారి చూపాలని వారు డిమాండ్ చేస్తున్నారు. చెన్నైలోని మణి ఇంటి ముందు వారు ఆందోళనకు దిగారు.  ఈ చిత్రం ఆశించిన విజయం సాధించలేకపోవడంతో తాము తీవ్రంగా నష్టపోయూమని బయ్యర్లు వాపోయారు. నష్టాన్ని భర్తీ చేయూలంటూ చెన్నై అడయార్‌లోని గ్రీన్‌వేస్ రోడ్డులో ఉన్న మణిరత్నం ఇంటి ముందు ఆందోళన చేపట్టారు. వారిని అదుపు చేయడానికి మణిరత్నం ఇంటికి పోలీసులు భద్రత కల్పించారు.