మలయాళ సూపర్‌స్టార్ మోహన్‌లాల్ ఇప్పుడు చాలా ఇబ్బందికర పరిస్థితిని ఎదుర్కొంటున్నాడు. ఈమధ్య కేరళలో జాతీయ క్రీడల ప్రారంభోత్సవం జరిగింది. ఈ సందర్భంగా మోహన్‌లాల్ లాలిజమ్ పేరుతో ఒక సంగీత ప్రదర్శన ఇచ్చాడు. ఈ ప్రదర్శనకు మోహన్‌లాల్ అక్షరాలా కోటిన్నర పారితోషికం ప్రభుత్వం నుంచి పుచ్చుకున్నాడు. అయితే ఈ ప్రోగ్రాం చెత్తన్నర చెత్తగా వుందని మోహన్‌లాల్ టీమ్ ప్రదర్శన ఇచ్చినప్పుడే అందరూ పెదవి విరిచారు. అయితే ఆ తర్వాత సోషల్ మీడియాలో మోహన్‌లాల్‌కి కష్టాలు మొదలయ్యాయి. ఒక చెత్త ప్రదర్శన ఇచ్చి మోహన్‌లాల్ అప్పనంగా కోటిన్నర కొట్టేశాడంటూ చాలామంది నెటిజన్లు సోషల్ మీడియాలో పోస్టింగులు పెట్టడం మొదలుపెట్టారు. అంతేకాకుండా మోహన్‌లాల్‌ని తిట్టిన తిట్టు తిట్టకుండా తిట్టడం మొదలుపెట్టారు. దాంతో మోహన్‌లాల్ వివరణ ఇచ్చాడు. ఈ ప్రోగ్రాం కోసం తమ టీమ్ చాలా కష్టపడిందని, ఆ కష్టాన్ని గుర్తించని వారిని తాను ఏమీ అనబోనని అన్నారు. అయితే కేరళ ప్రభుత్వం నుంచి తాను తీసుకున్న డబ్బు మొత్తాన్నీ తిరిగి ఇచ్చేస్తానని, ఇకనైనా సోషల్ మీడియాలో తనను తిట్టడం ఆపేయాలని వేడుకున్నాడు. పాపం మోహన్‌లాల్!