రాజకీయాల్లో ఒక పార్టీపై మరో పార్టీ.. ఒక నేత పై మరో నేత విమర్శలు చేసుకుంటూనే ఉంటారు. అది కామన్.. కానీ అదే పార్టీలో ఉంటూ ఆ పార్టీ పైనే అసంతృప్తి వ్యక్తం చేయడం చాలా అరుదుగా చూస్తుంటాం. అది కూడా ఒక పార్టీ అధినేత.. రాష్ట్రానికి సీఎం కేబినేట్ పై ఆసీఎం కూతురు అసంతృప్తి వ్యక్తం చేయడం ఆశ్చర్యం. ఇంతకీ ఎవరా సీఎం.. ఎవరా కూతురు అనుకుంటున్నారా.. తెలంగాణ సీఎం కేసీఆర్ పై తన కూతురైన కవిత అసంతృప్తి వ్యక్తం చేశారు. కవిత యంగ్ ఫిక్కీ లేడీసీ ఆర్గనైజేషన్ బంజారాహిల్స్‌లోని పార్క్ హయత్ హోటల్‌లో నిర్వహించిన 'ఉమెన్ లీడింగ్ ద ప్యూచర్ ఆఫ్ ఇండియా' అనే కార్యక్రమంలో పాల్గొన్నారు. ఈ సందర్భంగా ఆమె మాట్లాడుతూ తెలంగాణ కేబినెట్‌లో మహిళకు ప్రాతనిధ్యం లేకపోవడం తనను కూడా బాధిస్తోందని ఆమె వ్యాఖ్యానించారు. ఈ విషయంపై తెలంగాణ ప్రభుత్వాన్ని ప్రశ్నించేవారిలో తను కూడా ఉన్నానని అన్నారు. తెలంగాణ మంత్రివర్గంలో మహిళలకు ప్రాతినిధ్యం దక్కని విషయం తెలిసిందే. ఈ విషయంపై ఇటీవలే మందకృష్ణ కూడా కేసీఆర్ పై విమర్శలు చేశారు. అంతేకాదు మహిళలతో కలిసి భారీ నిరసన ప్రదర్శన కూడా చేపట్టారు. ఏది ఏమైనా ఈవిషయంలో ప్రతి పక్షాలనుండి విమర్శలు ఎదుర్కొన్న కేసీఆర్ ఇప్పుడు కూతురు కవితి నుండి కూడా విమర్శలు ఎదుర్కోవడం గమనార్హం.