తిరుమల శ్రీవారి దర్శనానికి వెళుతున్నారా? త్వరలో వెళ్లాలని ప్లాన్ చేసుకుంటున్నారా? అయితే మీకో షాకింగ్ న్యూస్. ఇకపై శ్రీవారి దర్శనానికి వెళ్లాలంటే కొన్ని షరతులు విధించింది టీటీడీ. శ్రీవారి దర్శనానికి వచ్చే భక్తులకు టీటీడీ కొత్త నిబంధనలను అమలులోకి తీసుకు వచ్చింది. తిరుమల శ్రీవారి దర్శనానికి వచ్చే భక్తులకు టీటీడీ కీలక సూచన చేసింది. కొండకు వచ్చే భక్తుల సంఖ్య పెరుగుతుండటంతో కరోనా వ్యాప్తి చెందకుండా జాగ్రత్తలు తీసుకుంటోంది. ఇందులో భాగంగా కీలక నిర్ణయం తీసుకుంది. ఇకపై శ్రీవారి దర్శనానికి వచ్చే భక్తులు రెండు డోసుల వ్యాక్సిన్ పూర్తయిన సర్టిఫికెట్ లేదా కరోనా నెగిటివ్ సర్టిఫికెట్ తప్పనిసరిగా తీసుకురావాలని స్పష్టం చేశారు

ఇక పై శ్రీవారి దర్శనానికి వచ్చే భక్తులు రెండు డోసుల కొవిడ్ వ్యాక్సిన్ పూర్తయిన సర్టిఫికెట్ ఉంటేనే అనుమతిస్తారు.  మూడు రోజుల ముందు కరోనా నెగిటివ్ సర్టిఫికెట్ తేవాలని టీటీడీ చైర్మన్ వైవీ సుబ్బారెడ్డి తెలిపారు. కరోనా వైరస్ నియంత్రణ కోసమే ఈ నిర్ణయం తీసుకున్నట్లు తెలిపారు. కరోనా వ్యాప్తి చెందకుండా ఈ నిర్ణయం తీసుకున్నట్లు తెలిపారు. కరోనా వైరస్ నియంత్రణ కోసం టీటీడీ తీసుకున్న ఈ నిర్ణయానికి భక్తులు సహకరించాలని టీటీడీ ఛైర్మన్ విజ్ఞప్తి చేశారు.

టీటీడీ పాలకమండలి ఛైర్మన్ గా వైవీ సుబ్బారెడ్డి బాధ్యతలు తీసుకుంటున్నప్పటి నుంచి దర్శనం టోకెన్లను క్రమంగా పెంచుతున్నారు. రాష్ట్రంలో కరోనా పాజిటివిటీ రేటు నియంత్రణలో ఉండటంతో ఈ నిర్ణయం తీసుకుంటున్నారు. రెండు వారాల చిత్తూరు జిల్లాకు చెందిన భక్తులకు మాత్రమే సర్వదర్శనం టోకెన్లు జారీ చేయగా.. ఇటీవలే ఇతర ప్రాంతాల వారిని కూడా ఉచిత దర్శనానికి అనుమతిస్తున్నారు. ఈ నెల 25న ఉదయం 9 గంటలకు ఆన్ లైన్ లో సర్వ దర్శనం టోకెన్లు విడుదల చేయనున్నారు. 

సెప్టెంబరు 26 నుంచి అక్టోబరు 31 వరకు రోజుకు ఎనిమిది వేల చొప్పున ఎస్డీ టోకెన్లు ఆన్లైన్లో విడుదల చేస్తారు. ఈనెల 26 నుంచి తిరుపతిలో ఆఫ్లైన్లో జారీ చేసే ఎస్డీ టోకెన్లను నిలిపివేయబోతున్నారు. తిరుపతితో పాటు ఇతర రాష్ట్రాల నుంచి పెద్ద సంఖ్యలో భక్తులు సర్వదర్శనం టోకెన్ల కోసం గుంపులుగా నిలబడటం వల్ల కరోనా వేగంగా సంక్రమించే ప్రమాదం ఉందని.. ఈ నిర్ణయం తీసుకున్నట్లు టీటీడీ చైర్మెన్ వైవీ సుబ్బారెడ్డి చెప్పారు. అక్టోబరు మాసం ప్రత్యేక ప్రవేశ దర్శనం టికెట్లను ఎల్లుండి ఉదయం 9 గంటలకు ఆన్ లైన్ లో  విడుదల చేస్తామని చెప్పారు.