-: చిమరీమృగ హస్త లక్షణము :-

    తా: ముష్టీముద్రాహస్తము, చమరీమృగముకు వినియోగించును. (ఎడమచేత ముష్టిహస్తమును, కుడిచేత ముద్రాహస్తమును  మణికట్టుతో చేర్చి క్రిందుమొగముగా బట్టిన ముష్టీముద్రా హస్తము వచ్చును.)

                            -: గోధాహస్త లక్షణము (ఉడుము) :-

    తా: తలపతాక హస్తము ఉడుమునందు చెల్లును. (పతాకహస్తమందలి కవిష్టికాంగుష్టములను  కొంచెము మీదికెత్తినచో తలపతాక హస్తమగును.)

                           -: శల్యమృగ హస్త లక్షణము :-

    తా: చంద్రమృగ హస్తము  శల్యమృగమందు  వినియోగించును. (మృగశీర్ష మందలి చూపుడువ్రేలు పైకెత్తినచో చంద్రమృగ  హస్తము వచ్చును.)

                            -: కురంగహస్త లక్షణము (జింక) :-

    తా: మృగశీర్ష హస్తము జింకయందు చెల్లును.

                         -: కృష్ణసార హస్త లక్షణము (నల్ల జింక) :-

    తా: ముష్టిమృగ హస్తము  నల్లజింకకు  వినియోగింపబడును. (ముష్టీహస్త మందలి కనిష్టాంగుష్టములను చాచినచో ముష్టీమృగ హస్తము వచ్చును.)

                                             -: గోకర్ణ హస్త లక్షణము :-

    తా: నాగబంధ హస్తములు మీదికి  చలింపచేయుచు పట్టిన గోకర్ణ మృగమందు చెల్లును.

                                       -: మూషికహస్త లక్షణము (ఎలుక) :-

    తా: ఖండముకుళ హస్తము మూషికమునకు వర్తించును. (ముకుళ హస్తమందలి  చూపుడువ్రేలును చాచిపెట్టినచో ఖండముకుళ హస్తము వచ్చును.)

                                     -: గిరికాహస్త లక్షణము (చిట్టెలుక) :-

    తా: ఖడ్గముకుళ  హస్తము  చిట్టెలుకకు వర్తించును. (ముకుళహస్త మందలి చూపుడువ్రేలును  వంచి అడ్డముగా పట్టినయెడల ఖడ్గముకుళము వచ్చును.)

                                       -: శశహస్త లక్షణము (కుందేలు) :-

    తా: తలపతాక హస్తము  అడ్డముగ త్రిప్పబడిన కుందేలుకు చెల్లును.

                                               -:వృశ్చికహస్త లక్షణము :-

    తా: పద్మకోశ మందలి మధ్యమాంగుళిని  ఉంచి తక్కిన వ్రేళ్ళన్నింటిని అంగుష్టముతో మధ్యపతాక హస్తము వచ్చును.)

                             -: ఉష్ట్రహస్త లక్షణము (ఒంటె) :-

    తా: ఖండాంజలి హస్తము ఒంటె యందు  వినియోగించును. (అంజలి హస్తమందలి అంగుష్టములను వంచి చేర్చి పొడవుగాచాచి అథోముఖముగ చలింపచేయుచు పట్టిన ఖండాంజలి హస్తము వచ్చును.)

                          -: అజహస్త లక్షణము (మేక) :-

    తా: శిఖర హస్తములను  ముఖభాగమున చెరబట్టినయెడ మేకయందు వినియోగించును.

                        -: గార్థభహస్త లక్షణము (గాడిద) :-

    తా: భిన్నాంజలి హస్తము గార్ధభముకు వర్తించును. (ఖండాంజలి హస్తమందలి తర్జనీ ద్వయమును చేర్చి వంచిపట్టినయెడ భిన్నాంజలిహస్తము వచ్చును.)

                       -: వృషభహస్త లక్షణము (ఎద్దు) :-

    తా: మధ్యమ, అనామికలను కొంచెము అరచేతిలోకి వంచి, వానిమీద  అంగుష్టమునుచేర్చి  తక్కిన  రెండువ్రేళ్ళను  చాచిపట్టిన తలసింహహస్తమగును. ఈ హస్తము వృషభమునకు వినియోగించును.

                                   -: ధేనుహస్త లక్షణము (ఆవు) :-

    తా: సంకీర్ణ ముద్రహస్తము ఆవుకు వినియోగించును. (చేతి యందలి నడిమివ్రేలిని వంచి తక్కినవ్రేళ్ళను  చాచియుంచినచో  సంకీర్ణ ముద్రహస్తము  వచ్చును.)

       
                    -: పక్షి హస్త లక్షణములు :-

                                 -: పారాపత హస్త లక్షణము (పావురము) :-

    తా: కపోతహస్తము  వుంఖతాకారముగ  పట్టిన పావురముకు వినియోగించును.

                                            -: శశాదన హస్త లక్షణము (డేగ) :-

    తా: బ్రహ్మోక్తశుకతుండ హస్తము డేగయందు వినియోగించును.

                             -: ఉలూకహస్త లక్షణము (గుడ్ల గూబ) :-

    తా: సంకీర్ణ గజదంత హస్తము  ఉలూకముకు చెల్లును. (గజదంత హస్తమునలను చేర్చిపట్టిన, సంకీర్ణ గజదంత హస్తము వచ్చును.)