3.   "అందరు కలసి అ - యోధ్యకు చేరి
             ఆనందముగా - సుఖించెదరని
                           సీతారామ ప | ట్టాభిషేకము
                           కనుల పండువుగ - జరిగి తీరునని |
             ఎన్నోరీతుల - సీతామాతకు
             ధైర్యము గొలిపి నే - మరలి వచ్చితిని |"
                            అని మారుతి తన | లంకాయానమును
                            రామచంద్రునకు - విన్నవించెను  ....     ||శ్రీ||
    4.   "ఆనందముతో - అశ్రులు జారగ
             సీతామాత - నను దీవించగ |
                           పదముల వ్రాలి నే - పయనమైతిని
                           పదములు రాకనే - మరలి వచ్చితిని |
             ఒప్పలేదు కాని - ఎపుడో తల్లిని
              భుజముల నిడుకొని - కొని రాకుందునా?"
                           అని మారుతి తన | లంకాయానమును
                           రామచంద్రునకు - విన్నవించెను  ....     ||శ్రీ||
               శ్రీరాముడు :-
    5.   "సీత క్షేమమను - శుభవార్త నేడు
           మారుతి నాకు - తెలుప కుండిన |
                          నేటి తోడ మా | రఘుకులమంతా
                          అంతరించి యుం | డేడిది కదా |
             మమ్మీతీరుగ - ఉద్ధరించిన
          మారుతి ఏ | మివ్వగల" నని
                         సర్వమిదేనని - కౌగిట జేర్చెను
                          హనుమంతుని ఆ | జానుబాహుడు    ....      ||శ్రీ|| 
                                             __: 68 వ. స. సంపూర్ణము :__

   
                                                             సీత క్షేమ మను శుభవార్తవిని
                                                             మారుతికి ఏమివ్వగలనని |
                                                                       సర్వమిదేనని - కౌగిట జేర్చెను
                                                                       హనుమంతుని - ఆజానుబాహుడు
                    -:ఫలశ్రుతి:- 
    నలుగురు శ్రద్ధతో - ఆలకించగా
    నలుగురు భక్తితో - ఆలపించగా |
                    సీతారామ హను - మానులు సాక్షిగ
                     సర్వజనులకు - శుభములు కలుగగ
    కవికోకిల వా | ల్మీకి పలికిన
    రామాయణమును - తేట తెలుగున |
                     శ్రీ గురు చరణ | సేవా భాగ్యమున
                     పలికెద సీతా - రామ కధా     ....     ||శ్రీ||
       
                            -: మంగళహారతి :-
                                                        మంగళహారతి - గొను హనుమంతా |
                                                        సీతారామ - లక్ష్మణ సమేతా |
                                                              నా అంతరాత్మ - నిలు ఓ అనంతా |
                                                              నీవే అంతా - శ్రీహనుమంతా |
                                                                ఓం  శాంతిః  శాంతిః  శాంతిః
                             -: సుందరకాండము సంపూర్ణము :-